Живееме во ерата на интернетот и технологијата. Тие станаа важен дел од нашите животи и животот не би можел да се замисли без овие алатки. Ние сме постојано поврзани на интернетот и имаме пристап кон секакви информации кои што може да ги споделуваме со сите корисници на интернетот низ целиот свет. Дали е тоа порака, слика, видео или email, содржините кои што може да ги споделуваме се бескрајни и нивната едноставна употреба е причината поради која интернетот е толку важен дел од нашите секојдневни животи. Оваа поврзаност која што ја имаме 24/7 со други корисници низ целиот свет е побрза од кога било и интернетот е сега во својата најразвиена форма.
Од времето на неговото создавање, сѐ до денес, интернетот помина долги фази од својот развој. За време на неговото патување кон совршенство, интернетот, како и самата технологија успеа да развие интерактивно и пријатно корисничко искуство. Покрај неговата едноставност при употреба и управување, интернетот е преполнет со милион информации и податоци од секаква област. Развојот на овој начин на добивање на информации и стекнување на нови знаења претставува огромен контраст од минатото, кога физичките извори биле најдоверлив начин за развивање на нашето знаење. Но, како и многу работи, интернетот не е совршен и има свои недостатоци и негативни ефекти. Многу е лесно да станеме зависници од интернетот. Секакви мали нешта кои што ги гледаме на интернетот го зголемуваат производството на допамин кај нас. Особено ако сме под некаков стрес од секојдневниот живот или можеби се соочуваме со некакви семејни проблеми, се вртиме кон интернетот да се усреќиме, барем за кратко време. Интернетот не е нешто што е безбедно од секакви вулгарни или одвратни содржини. Во секој момент треба да бидеме внимателни на кои веб страници отвараме бидејќи нема граници со нештата кои што може да се постават на него.
Поради интернетот, нашите животи станаа многу поедноставни во споредба со времињата кога бевме без него. Секаква форма на социјална интеракција е сега овозможена на многу полесен и достапен начин, со што можеме во секој миг да останеме во контакт со нашите пријатели и сакани. Ова поврзување што го имаме со нашите најблиски и со сите луѓе низ целиот свет, го зближи народот на планетата Земја како никогаш досега. Но, иако е несомнено влијанието на интернетот и начинот на кој ни ги олесни животите, не смееме да заборавиме дека траба да го користиме одговорно и умерено, инаку можеме да станеме зависници од него и да дојде ден кога тоа ќе стане наша основна потреба.
Филип Стефановски II-2
